Fjellvegen er ein del av bufarvegen til Djup. Start turen enten ved Dengerud i Kvinnegardslia (a) eller ved Nordheim i Vats (b). Som kort alternativ tilrår vi turen Torsbu – Nordheim. Mellom Nedremyrstølen og Nordheim går du på gamle Kyrkjevegen. Stigen er open og grei å gå, men det er tilrådeleg med godt fottøy. På Nedremyrstølen er det sal av stølskost i sommarsesongen.
Før i tida vart bufarvegane brukt av gardsfolket og all slags krytir den dagen dei flytta opp på stølen for sommaren. Det kunne bli litt av eit leven. No brukar gardsfolk nyvegen, medan bufarvegen ligg stille og roleg att.
